پلیٹ لیٹس کی تعداد ابھی تک متوازن نہیں ہوسکی ہے
زہر خورانی کے ٹیسٹ کی رپورٹ آنا باقی ہے
لندن( مانیٹرنگ ڈیسک) نواز شریف کی طبیعت نہ سنبھل سکی شریف فیملی کا کہنا ہے کہ سابق وزیراعظم نواز شریف کے پلیٹ لیٹس کی تعداد ابھی تک متوازن نہیں ہوسکی۔ انہوں نے بتایا کہ امریکہ بھیجے گئے نمونوں کے نتائج کا انتظار ہے جیسے ہی رپورٹس سامنے آئیں گی تو فیصلہ کیا جائیگا کہ نواز شریف کو کہاں شفٹ کیا جائیگا۔ تفصیلات کے مطابق خاندانی ذرائع کا کہنا ہے کہ رائل پرومٹن اسپتال میں نواز شریف کا معائنہ جاری ہے۔ طبیعت نہ سنبھلنے پر نواز شریف کو امریکہ یا جنیوا لے جانے کا آپشن موجود ہے زہر خورانی کے ٹیسٹ کیلئے امریکہ بھیجے گئے نمونوں کی رپورٹ کا بھی انتظار ہے۔