نئی دہلی( مانیٹرنگ ڈیسک) نو منتخب بھارتی وزیر نے منفی سوچ دور بھگانے اور پیار محبت کا احساس جگانے کیلئے عجیب منطق پیش کردی ۔سیاسی جماعت کانگریس سے تعلق رکھنے والی بھارتی ریاست مہاراشٹر کی نو منتخب وزیر یشومتی ٹھاکرے نے کہا ہے کہ گائے سب جانوروں میں مقدس ہے۔ جسے چھونے سے محبت کا احساس جاگتا ہے جبکہ منفی سوچ کا خاتمہ ہوتا ہے۔ بھارتی ٹی وی کے مطابق بھارتی رہنماکے اس بیان کے بعد ایک اور سیاستدان نے ان کے اس بیان کی تائید کرتے ہوئے کہا کہ گائے سمیت سب ہی جانوروں کو چھونے سے انہیں اچھا محسوس ہوتاہے اور یہ ان کی ثقافت کا حصہ ہے۔