کراچی بدامنی کیس کی ڈھائی سال بعد سماعت
سپریم کورٹ کراچی رجسٹری میں چیف جسٹس گلزار احمد نے سرکلر ریلوے کی بحالی سے متعلق کیس کی سماعت بھی شروع کردی
صوبائی وزیر سعید غنی اور میئر کراچی وسیم اختر بھی عدالت پہنچ گئے، ایڈووکیٹ جنرل نے گذشتہ سماعت کا حکم پڑھ کر سنادیا
کراچی (این این آئی) کراچی بے امنی کیس کی سماعت ڈھائی سال بعد آج ہوگی۔ مختلف کیسز کی سماعت چیف جسٹس گلزار احمد کی سربراہی میں 3 رکنی بینچ کرے گا۔ تجاوزات اور دیگر اہم کیسز کی سماعت کے لیے وفاقی و صوبائی حکومتوں، میئر کراچی اور دیگر فریقین کو نوٹسز جاری کر دیے گئے۔ تجاوزات کے خلاف آپریشن اور سرکلر ریلوے کی بحالی سے متعلق بھی تفصیلات بھی 6 فروری کو طلب کی گئیں۔ واضح رہے کہ آخری مرتبہ 11 اگست 2016ء کو سابق چیف جسٹس انور ظہیر جمالی کی سربراہی میں 5 رکنی لارجر بینچ نے سماعت کی تھی، سپریم کورٹ نے کراچی رجسٹری میں دو روز کے لیے 2 علیحدہ علیحدہ بینچ قائم کیے ہیں۔