کراچی سمیت سندھ بھر میں سی این جی اسٹیشنز 12 گھنٹوں کے لیے کھول دئیے گئے۔
کراچی سمیت سندھ بھر 7 دن کی بندش کے بعد سی این جی اسٹیشن کھول دیے گئے ہیں،سوئی سدرن حکام کے مطابق آج صبح 7 بجے سے شام 7 بجے تک سی این اسٹیشن کھلے رہے گے۔
سی این جی اسٹیشن پر گیس بھروانے والے صارفین کی رات گئے سے لمبی لمبی قطاریں لگی ہوئی ہیں جبکہ ایس ایس جی سی اعلامیہ کے مطابق سی این جی اسٹیشن کو 12 گھنٹے کے لیے کھولا گیا ہے۔
دوسری جانب ایس ایس جی سی حکام کا کہنا ہے کہ مختلف گیس فیلڈز سے ملنے والی گیس کی مقدار کم موصول ہو رہی ہے، انتہائی کم پریشر کی وجہ سے گیس صارفین کو گیس کی ترسیل میں سخت مشکلات کا سامنا ہے