لاہور:احتساب عدالت نے سابق وزیر اعظم نواز شریف کی حاضری سے استثنا کی درخواست کی منظور کرلی۔
لاہور کی احتساب عدالت میں چوہدری شوگر ملز سے متعلق کیس کی سماعت ہوئی جس میں سابق وزیر اعظم نواز شریف کے وکیل امجد پرویز پیش ہوئے۔
نواز شریف کے وکیل نے عدالت میں ڈاکٹر ڈیوڈ لارنس کی میڈیکل رپورٹس جمع کرائی اور کہا کہ نواز شریف کی طبیعت تاحال نا ساز ہے، لندن میں ان کا علاج جاری ہے اور وہ صحت یاب ہوتے ہی ٹرائل کا سامنا کریں گے۔
امجد پرویز نے عدالت کو مزید بتایا کہ نواز شریف کے فروری کے آخری ہفتے میں مختلف چیک اپ ہونے ہیں لہذا وہ زیر علاج ہونے کی وجہ سے پاکستان کا سفر نہیں کر سکتے۔
بعد ازاں عدالت نے چوہدری شوگر ملز کیس میں دلائل سننے کے بعد سابق وزیر اعظم نواز شریف کی حاضری سے استثنیٰ کی درخواست منظور کرتے ہوئے سماعت 28 فروری تک ملتوی کردی۔