عوام کو ایک ماہ میں مہنگائی سے نجات مل جائے گی، اسد قیصر

صوابی (آن لائن) اسپیکر قومی اسمبلی اسد قیصر نے کہا ہے کہ عوام کو ایک ماہ میں مہنگائی سے نجات مل جائے گی، حکومت کے عوام دوست فیصلوں کے ثمرات ملنے والے ہیں، وزیراعظم مافیا اور منافع خوروں کو نہیں چھوڑیں گے۔ ان خیالات کا اظہار انہوں نے صوابی میں خطاب کرتے ہوئے کیا۔ انہوں نے کہا کہ تحریک انصاف میں کوئی اختلاف نہیں البتہ اختلاف رائے ضرور ہے، وزیراعظم آٹے اور چینی بحران میں ملوث افراد کو نہیں چھوڑیں گے۔