ڈھاکا (جسارت نیوز) زمبابوے نے بنگلا دیش کے خلاف واحد ٹیسٹ میچ کے پہلے روز اپنی پہلی اننگز میں 6 وکٹوں کے نقصان پر 228 رنز بنا لئے، کریگ ارون نے سنچری اسکور کی۔ ہفتہ کو شیر بنگلا نیشنل اسٹیڈیم میں شروع ہونے والے میچ میں زمبابوین کپتان کریگ ارون نے شاندار بیٹنگ کا مظاہرہ کیا اور 107رنز کی اننگز کھیلی، پرنس مساویر 64 رنز کے ساتھ دوسرے نمایاں بلے باز رہے، سکندر رضا 18، برینڈن ٹیلر 10، کیون کسوزا 2 اور ٹمسین مروما 7 رنز بناکر آئوٹ ہوئے، بنگلا دیش کی طرف سے نعیم حسن نے عمدہ بولنگ کا مظاہرہ کیا اور 4 وکٹیں حاصل کیں، ابو جائید نے دو کھلاڑیوں کو آئوٹ کیا۔
ڈھاکا ٹیسٹ کا پہلا روز، زمبابوے نے بنگلا دیش کے خلاف پہلی اننگز میں 6 وکٹوں کے نقصان پر 228 رنز بنالیے، کریگ ارون کی سنچری
القمر