انقرہ: ترکی نے طبی سیاحت کے فروغ کے لیے پاکستان سمیت 30 ممالک کے کورونا مریضوں کے لیے اپنے دروازے کھول دیے ہیں۔
ترک وزارت صحت سے جاری کردہ نوٹی فکیشن کے مطابق ترکی 20 مئی سے پاکستان سمیت 30 ممالک سے کورونا کے مریضوں کی آمد کو قبول کرے گا اور وزارت صحت انہیں ملک میں علاج کے لیے مدد فراہم کرے گی۔
نوٹی فکیشن میں پاکستان سمیت جن ممالک کے نام شامل ہیں ان میں عراق، لیبیا، آذربائیجان، جارجیا، ترکمانستان، ازبیکستان، قزاقستان، یونان، یوکیرین، روس، جبوتی، الجزائر، کوسووا، مقدونیہ، البانیہ، بوسنیا، رومانیہ، سربیا ، بلغاریہ، موولڈووا، صومالیہ ، کویت، قطر، بحرین، عمان، جرمنی، برطانیہ، ہالینڈ، کرغزستان اور شمالی قبرصی ترک جمہوریہ ہے۔
ایک کورونا مریض کے ہمراہ دو افراد کو ملک میں داخلے کی اجازت ہوگی جبکہ مریض کے ہمراہ ان افراد کی اسکریننگ اور کورونا ٹیسٹ کیے جائیں گے۔