کراچی وزیر ٹرانسپورٹ سندھ اویس شاہ کا کہنا ہے کہ شیخ رشید کو عوام کی زندگیوں کی فکر کم اور ٹرین چلانے کی فکر زیادہ ہے۔
اویس شاہ نے کہا کہ ٹرینیں اگر بحال ہوگئیں تو کورونا کی تعداد میں تیزی سے اضافہ ہوگا، ٹرینیں چلنے سے اسٹیشنوں پر لوگوں کا ہجوم لگے گا جس سے کورونا کی وبا مزید بڑھے گی۔
انہوں نےٹرانسپورٹ کے حوالے گفتگو کرتے ہوئے کہا کہ ٹرانسپورٹ یونینزسے رابطے میں ہیں، ٹرانسپورٹ یونینز سندھ حکومت کے ساتھ ہے،عید سے پہلے ٹرانسپورٹ نہیں چلے گی، عید کے بعد پبلک ٹرانسپورٹ بحال ہوجائے گی، آن لائن ٹرانسپورٹ عید کے بعد کھول دی جائے گی۔
