کوورونا وائرس کے سبب پی سی بی دفاتر کی بندش میں عید تک توسیع

کراچی (اسٹاف رپورٹر) کوورونا وائرس کے سبب پی سی بی دفاتر کی بندش میں عید تک توسیع کردی گئی۔ پہلے17 مئی تک بند رکھنے دفاتر بند رکھنے کانوٹیفکیشن جاری کیا گیا تھا۔ذرائع کے مطابق نئے پلان کے تحت اب پی سی بی دفاتر اب عید کی چھٹیوں کے بعد کھلیں گے۔ پی سی بی اسٹاف کو پہلے کی طرح گھروں سے کام جاری رکھنے کی ہدایت کی گئی ہے۔البتہ ضروری امورکی انجام دہی کے لیے پہلے سے اطلاع دے کر اسٹاف 11 بجے سے دوپہر 2 بجے تک آفس میں تمام احتیاطی تدابیر یقینی بناکر کام کرسکتا ہے۔واضح رہے کہ مقامی نیوز ایجنسی نے اس پہلے ایک خبر کے زریعے گزشتہ ہفتے کرکٹ اور ہاکی ہیڈکوارٹرز و دیگر ریجنز آفسز کھلنے کا عندیہ دیا تھا جس کی کرکٹ بورڈ کے میڈیا ڈیپارٹمنٹ نے غلط اطلاع قرار دیا تھا۔