کراچی: اداکارہ ماورا حسین اس وقت تنقید کی زد میں آگئیں جب ان کی ایک ویڈیو وائرل ہوئی جس میں وہ روڈ پر لڑکیوں کو چھیڑنے کو معمولی بات اور لڑکوں کا مزہ کہتی ہوئی نظر آئیں۔
ماورا حسین کی ایک پرانی ویڈیو سوشل میڈیا پر وائرل ہورہی ہے جس میں وہ اور ہمایوں سعید ندا یاسر کے شو میں اپنی فلم کی پروموشن کے لیے آئے ہوئے ہیں۔ ویڈیو میں دیکھا جاسکتا ہے کہ ندا یاسرماورا سے پوچھتی ہیں کہ کیا کبھی تمہیں کسی نے چھیڑا؟
جس پر ماورا حسین کہتی ہیں کہ لڑکیوں کو چھیڑنا تو لاہور کا فن ہے لڑکے گاڑیوں میں تیز میوزک لگاکرنکل جاتے ہیں روڈ پر اور لڑکیوں کو چھیڑ رہے ہیں۔ مجھے لگتا ہے کہ اس کے بغیر لاہوریوں کی عید نہیں لگتی۔ لہذا ہمیں اس کا برا نہیں ماننا چاہئے۔
ندا یاسر نے کہا اگر آپ کو ابھی بھی کوئی چھیڑے تو آپ کو برا نہیں لگے گا جس پر ماورا نے کہا ہاں کوئی بات نہیں مجھے برا نہیں لگے گا، کیونکہ ان کی بھی تو عید ہے۔ ویڈیو کا یہ کلپ شو میں موجود اداکاروں اور لوگوں کی تالیوں پر ختم ہوتا ہے تاہم سوشل میڈیا صارفین نے ماورا کی اس بات کو بالکل بھی مذاق میں نہیں لیا اور انہیں مشورہ دیتے ہوئے کہا کہ ہمارے فنکاروں کو بولنے سے پہلے سوچنا چاہئے کہ وہ کیا کہہ رہے ہیں۔
ایک ٹوئٹر صارف نے ماورا کی اس بات کا سخت برا مناتے ہوئے کہا آپ نے خود تو کبھی اس ہراسانی کا تجربہ نہیں کیا لیکن باقی لڑکیوں کی طرف سے کہہ دیا کہ لڑکوں کا روڈ پر لڑکیوں کو چھیڑنا فن ہے۔
khud to kabhi experience nahi kia due to to obvious difference in class lekin baki larkion ke behalf pr bol ke ke fUn hAi, pakistani celebrities legit deserve the worst
— dazai⁷ (@dazai_supremacy) July 23, 2020
عمر نامی صارف نے کہا کیا عجیب مسخرے ہیں کتنے آرام سے ایک گھٹیا حرکت کو نارمل بنارہی ہے۔
Kya ajeeb maskhray hain. Kitnay aaram se ek cheap harkat ko norm bana rahi hai.
— Umer. (@UmerElyas) July 23, 2020
ایمان نامی صارف نے کہا مطلب کچھ بھی، کیا ماورا یہ کہنا چاہ رہی ہیں کہ ہراسانی فن ہے اور اگر کوئی کسی کو ہراساں کرتا ہے تو یہ کوئی بڑی بات نہیں اور اسے کس نے یہ بتادیا کہ لاہور لڑکیوں کو چھیڑنے کی وجہ سے مشہور ہے؟
Matlab kuch b???? Is she saying harassment is fun and there should be no problem if someone does it…??? Aur kis ne ye bta Diya iss ko k Lahore iss wajah se famous h??
— Eman Dar (@EmanAmerDar) July 23, 2020
ماہا قریشی نے کہا ماورا حسین کوکسی بھی معاملے کی زیرو سمجھ ہے۔ نہیں یہ ہمارے لیے اینٹرٹینمنٹ نہیں ہے یہ بہت ہی ناگوار اور پریشان کن ہے اور بہت ہی ناقابل قبول ہے۔
Mawra Hocane has zero understanding of any matter. From saying ‘food’ can fix your depression to trying to normalise street harassment by calling it fun? No, it’s not a source of entertainment for us, it’s disgusting and disturbing and should be considered unacceptable.
— Maha Qureshi (@maha_qureshi26) July 25, 2020