واشنگٹن (انٹرنیشنل ڈیسک) امریکی بحریہ کا تربیتی طیارہ ریاست الاباما کے قریب گر کر تباہ ہو گیا۔ مقامی ذرائع ابلاغ کے مطابق طیارے میں سوار دونوں پائلٹ حادثے میں ہلاک ہو گئے۔ حکام کا کہنا ہے کہ تربیتی طیارہ کاؤنٹی روڈ 55 کے قریب فولی نامی علاقے میں گر کر تباہ ہوا۔ امریکا کی نیول ائرفورس نے بھی طیارے کے حادثے میں دونوں پائلٹوں کے ہلاک ہونے کی تصدیق کر دی ہے۔ حکام کا کہنا ہے کہ طیارہ حادثے کی وجوہات کا پتا لگانے کے لیے تحقیقات کا آغاز کر دیا گیا ہے۔
