زمبابوے ٹیم 22 سال بعد راولپنڈی کرکٹ اسٹیڈیم میں ون ڈے میچ کھیلے گی

راولپنڈی (نمائندہ خصوصی)زمبابوے کی کرکٹ ٹیم 22 سال بعد راولپنڈی کرکٹ اسٹیڈیم میں ون ڈے میچ کھیلے گی۔ زمبابوین ٹیم نے آخری مرتبہ 24 نومبر 1998 کو راولپنڈی اسٹیڈیم میں ون ڈے میچ کھیلا تھا جس میں اسے 111 رنز سے شکست ہوئی تھی۔ اس میچ میں پاکستان کے کپتان عامر سہیل اور زمبابوے کے کپتان ایلسٹر کیمبل تھے۔ میچ کی خاص بات اعجاز احمد کی شاندار سنچری تھی۔