اسلام آباد: ورلڈ بینک پاکستان کو تعلیم کے شعبے میں کورونا رسپانس اور ریکوری پروگرام کے لیے 19.85 ملین ڈالرز(19 کروڑ 85 لاکھ ڈالرز) دے گا۔ نجی ٹی وی کی رپورٹ کے مطابق اس ضمن میں باقاعدہ معاہدہ طے پانے کے بعد اس پر دستخط بھی ہو گئے ہیں۔
تفصیلات کے مطابق ورلڈ بینک کے ساتھ طے پانے والے معاہدے پر سیکریٹری وفاقی وزارت اقتصادی امور نور احمد اور ورلڈ بینک کے کنٹری ڈائریکٹر ناجی بن حسین نے دستخط کیے ہیں۔دستخط کرنے کی تقریب میں وفاقی وزیر برائے اقتصادی امور خسرو بختیار بھی موجود تھے۔