راولپنڈی : پاک فوج نے لائن آف کنٹرول ( ایل او سی ) پر ایک اور بھارتی جاسوس کواڈ کاپٹر مار گرایا۔
پاک فوج کی شعبہ تعلقات عامہ ( ڈی جی آئی ایس پی آر ) کے مطابق پاک فوج نے ایل او سی پر ایک اور بھارتی جاسوسی کی کوشش ناکام بنادی، بھارتی کواڈ کاپٹر چکوٹھی سیکٹر میں گرایا گیا،بھارتی جاسوس کواڈ کاپٹر 500میٹر تک پاکستانی حدود میں گھس آیا تھا۔
واضح رہے کہ رواں برس یکم جنوری کوبھی پاک فوج نےجاسوسی بھارتی کواڈ کاپٹر مار گرایا تھا۔