سڈنی (جسارت نیوز) ول پوکوسکی اور مارنس لبوشیگنے کی نصف سنچریوں کی بدولت آسٹریلیا نے بھارت کے خلاف تیسرے ٹیسٹ میچ کے پہلے روز اپنی پہلی اننگز میں 2 وکٹوں کے نقصان پر 166رنز بنالئے، اپنے ٹیسٹ کیریئر کا آغاز کرنے والے ول پوکوسکی 62رنز بناکر آئوٹ ہوئے۔ مارنس لبوشیگنے 67اور سٹیون ا سمتھ 31رنز کے ساتھ کریز پر موجود ہیں۔ انجری مسائل سے چھٹکارا حاصل کرنے والے مایہ ناز کینگروز اوپننگ بلے باز ڈیوڈ وارنر پہلی اننگز میں کوئی خاطر خواہ کارکردگی کا مظاہرہ نہ کر سکے اور وہ 5رنز بناکر پویلین لوٹ گئے۔ بارش کی وجہ سے دونوں ٹیموں کے درمیان شروع ہونے والے تیسرے ٹیسٹ میچ کا پہلا روز متاثر ہوا اور پہلے روز صرف 55اوورز کا کھیل ممکن ہوسکا۔