کراچی : امیرجماعت اسلا می کراچی حافظ نعیم الرحمن کا کہنا ہے کہ کراچی کی آواز بند کرنے کے لیے آبادی پر ڈاکا ڈالا گیا،کراچی کی آبادی 3کروڑ سے زائد ہے،مردم شماری کراکے درست گنا جائے۔
شارع فیصل پر حقوق دو کراچی کو کی تحریک کے احتجاجی دھرنے سے خطاب کرتے ہوئے حافظ نعیم الرحمن نے کہا کہ کراچی پورے پاکستان کی معیشت کا پہیہ چلاتاہے، چور اور ڈاکوؤں کو مسلط کرکے عوام کو بنیادی سہولیات سے محروم کردیا گیا ہے۔
امیرکراچی کا مزید کہنا تھا کہ کراچی ہر مشکل گھڑی میں پورے ملک کی خدمت کرتاہے، کراچی کے عوام کو حق دلانے کےلیے دھرنوں کا سلسلہ بڑھائیں گے، کراچی 3 کروڑسے زائد کی آبادی کا شہرہے، اس کی دوبارہ مردم شماری کرائی جاۓ۔
انہوں نے حکومت سے مزید مطالبات کرتے ہوئے کہا کہ کوٹہ سسٹم ختم کیا جائے،نوجوانوں کو ملازمتیں دی جائیں،با اختیار شہری حکومت اور بلدیاتی انتخابات کراۓ جائیں ۔