گال(جسارت نیوز)برطانوی فاسٹ بولر جیمز اینڈرسن نے سری لنکا کے خلاف ہفتے کے روز دوسرے ٹیسٹ میچ کے دوسرے دن ٹیسٹ کرکٹ میں 30 ویں مرتبہ اننگز میں 5 وکٹیں لینے کا کارنامہ سرانجام دیا۔ 38 سالہ اینڈرسن نے وکٹ کیپر بلے باز نیروشان ڈیکویلا کو 92 رن پر واپس بھیجنے کے بعد ایک اور وکٹ لیکر 2012ء میں گال ہی میں اپنی گذشتہ بہترین بولنگ پرفارمنس (75-5) کو مزید بہتر بنایا۔اینڈرسن ایشیاء میں اننگز میں 5 وکٹیں حاصل کرنے والے معمر ترین فاسٹ بولر بھی بن گئے ہیں، انہوں نے 38 سال 176 دن کی عمر میں یہ کارنامہ سرانجام دیا۔