بلوچستان کے ضلع چمن کے علاقے مرغی بازار میں ہونے والے دھماکے میں 6 افراد جاں بحق اور 14 زخمی ہوگئے۔
ترجمان حکومت بلوچستان لیاقت شاہوانی نے ایک ٹوئٹر پیغام میں بتایا کہ مرغی بازار چمن میں جمعیت علمائے اسلام نظریاتی کی جانب سے یومِ یکجہتی فلسطین کے سلسلے میں ریلی نکالی جارہی تھی جس کے قریب دھماکہ ہوا۔
انہوں نے بتایا کہ دھماکے میں زخمی ہونے والے 10 افراد کو ڈسٹرک ہیڈ کوارٹر ہسپتال چمن اور کچھ کو علاج معالجے کے لیے کوئٹہ منتقل کردیا گیا ہے۔
لیاقت شاہوانی کا کہنا تھا کہ دھماکے کے بعد علاقے کو بند کردیا گیا ہے اور جمیعت علمائے اسلام کےرہنماعبدالقادر لونی و قاری مہراللہ بالکل محفوظ ہیں۔
ساتھ ہی انہوں نے بتایا کہ زخمیوں کے علاج معالجے کے لیے ہسپتالوں میں ایمرجنسی نافذ کردی گئی ہے۔