کولمبیا میں 28 اپریل سے ابتک جاری حکومت مخالف اجتماعی مظاہرے کرنے والے ہزاروں افراد نے ملک کے مختلف شہروں میں ایک بار پھر جلوس نکالے تو اس دوران پولیس کی مداخلت سے ایک شخص ہلاک جبکہ 15 زخمی ہو گئے۔
دارالحکومت بگوٹا سمیت چالی، میڈلن، بوکارامانگا اور وال ڈیل کاؤکا میں احتجاجی مظاہرے کیے گئے۔
کالی اور میڈلن میں بعض لوگوں نے سڑک کو بند کر دیا جس پر پولیس اور مظاہرین کے درمیان ہاتھا پائی ہوئی۔
پولیس نے پتھراؤ اور پیٹرول کے بم پھینکنے والے گروہوں پر آنسو گیس پھینکی جس دوران ایک شخص ہلاک جبکہ 6 زخمی ہو گئے۔
میڈلن میں بعض مظاہرین کے ایک شاپنگ سنٹر پر لوٹ مار کرنے کی کوشش کے دوران پولیس نے آنسو گیس پھینکی اور لاٹھی چارج کیا۔
اس واقع میں 3 پولیس اہلکاروں سمیت 9 افراد زخمی ہو گئے، جبکہ بھاری تعداد میں مظاہرین کو حراست میں لے لیا گیا۔
