سولہویں یورپی فٹ بال چمپین شپ کے سلسلے میں بیلجیم نے پرتگال کو ایک۔صفر سے شکست دیتے ہوئے کوارٹر فائنلز کے لیے کوالیفائی کر لیا ہے۔
ہسپانوی شہر سیویلا میں کھیلے گئے میچ میں سابق یورپی چمپین پرتگال اور بیلجیم مد مقابل آئے۔ 42 منٹ میں تھورگن ہزارد نے گول کرتے ہوئے اپنی ٹیم کو برتری دلا دی، جو کہ میچ کے خاتمے تک جاری رہی۔
بیلجیم کوارٹر فائنل میں اٹلی کے مدِ مقابل آئے گا۔
دوسری جانب ہنگری میں ہالینڈ اور چیکیا کھیل کے میدان میں اُترے۔ جس میں چیکیا نے ہالینڈ کو2 ۔صفر سے شکست دیتے ہوئے اپنا نام کوارٹر فائنلز میں لکھوا لیا۔
ڈنمارک اور چیکیا 3 جولائی کو کوارٹر فائنلز میں آمنے سامنے آئیں گے۔