لاہور کے علاقہ برکت مارکیٹ میں سلنڈر پھٹنے کی وجہ سے دھماکہ ہوا۔
ابتدائی اطلاعات کے مطابق لاہور کے علاقہ برکت مارکیٹ میں گیس سلنڈر پھٹنے سے دھماکہ ہوا۔ دھماکے کی گونج دور دور تک سنائی دی گئی۔ عینی شاہدین کے مطابق دھماکہ زوردار تھا ، دھماکے کی آواز کے ساتھ ہی زمین لرز گئی۔
دھماکے کی اطلاع موصول ہوتے ہی ریسکیو ٹیموں کو جائے وقوعہ کی جانب روانہ کر دیا گیا ہے۔
Barkat market explosion in gas cylinder shop#Lahore pic.twitter.com/0L1lFfBSbe
— Destination Pakistan 🇵🇰 (@destinationpak) June 29, 2021
تاحال دھماکے میں کسی جانی نقصان کی اطلاع موصول نہیں ہوئی۔ دوسری جانب پولیس اور سکیورٹی اہلکار بھی جائے وقوعہ کی جانب روانہ ہو گئے ہیں۔ دھماکے کی ویڈیو بھی منظر عام پر آگئی ہے۔
ویڈیو میں زور دار دھماکہ اور دھماکے کی جگہ سے اُٹھتے ہوئے دھوئیں کے کالے بادل دیکھے گئے۔ دھماکے کی وجہ سے آس پاس کے علاقہ میں خوف و ہراس پھیل گیا ہے۔
