کراچی: عدالت نے بحریہ یونیورسٹی کے طالب علم کے قتل میں ملوث نوجوان کو عمر قید کی سزا سنادی۔
کراچی سٹی کورٹ میں ماڈل ٹرائل کورٹ شرقی نے سالگرہ سے ایک دن پہلے بحریہ یونیورسٹی کے طالب علم بلال رضوان کے قتل اور اغوا کیس کا فیصلہ سنادیا، عدالت نے جرم ثابت ہونے پر مجرم نعمان قریشی کو عمر قید کی سزا سنادی ہے۔ عدالت نے مجرم پر 10 لاکھ روپے جرمانہ بھی عائد کیا جو مقتول کے ورثہ کو ادا کرنا ہوگا جب کہ عدم ثبوت کی بناء پر ایک ملزم عدیل الرحمان کو بری کردیا۔
پولیس کے مطابق مقتول کی لاش جب ملی تو ناقابل شناخت تھی، مقتول کی ڈی این اے کی مدد سے شناخت ممکن ہوسکی تھی۔ ملزمان نے مقتول کی لاش ایک ماہ اور چار دن بعد کچرا کنڈی میں پھینک دی تھی۔