کورونا وبا کے منظر عام پر آنے والے چینی شہر ووہان کے تقریباً تمام تر مکینوں کا وائرس ٹیسٹ کیا گیا ہے۔
شن ہوا کی خبر کے مطابق ووہان بلدیہ کے ڈپٹی سیکرٹری جنرل لی تاؤ کا کہنا ہے کہ بڑھنے والے واقعات کے پیشِ نظر 11.3 ملین آبادی کے حامل شہر میں اجتماعی ٹیسٹ پر عمل درآمد کا فیصلہ کیا گیا ہے۔
لی کا کہنا ہے کہ منگل کے روز سے ابتک شہر کے تقریباً تمام تر مکینوں کا ٹیسٹ کیا گیا ہے۔
گزشتہ دنوں علاقے میں 9کورونا کیسسز کے تعین کے بعد پورے شہر پر ٹیسٹ کا عمل درآمد کا فیصلہ کیا گیا تھا۔ تمام تر تعلیمی اداروں میں تعلیمی سرگرمیوں کو معطل اور حفاظتی تدابیر میں سختی لائی گئی تھی۔
