راولپنڈی: راولپنڈی میں دکان کے اندر سلنڈر دھماکے سے ایک شخص جاں بحق جبکہ دو زخمی ہوگئے۔
پولیس کے مطابق سلنڈر دھماکا بوستان روڈ پر فریج ٹھیک کرنے والی دکان کے اندر ہوا جس کے نتیجے میں ایک شخص موقع پر ہی جاں بحق ہوگیا جبکہ دو زخمی ہوئے جنہیں اسپتال منتقل کردیا گیا۔
پولیس کا کہنا ہے کہ بظاہر دھماکا سلینڈر سے کمپریسر میں گیس فلنگ کے دوران لییکج سے ہوا تاہم مزید شواہد اکٹھے کیے جارہے ہیں۔