راجستھان (ساوتھ ایشین وائر)راجستھان کے کوٹا ضلع میں منعقدہ ریٹ امتحان کے ایک سینٹر پر برقع پہن کر امتحان دینے والی ایک مسلم طالبہ سے سینٹر کے ذمہ داران نے برقع اتارنے کیلئے کہا۔ لیکن جب طالبہ نے برقع نہی اتارا تو تفتیش کے بعد پہلے طالبہ کو امتحان میں شامل ہونے کی اجازت مل گئی، لیکن کچھ ہی دیر بعد اس طالبہ کو دوبارہ نکال دیا گیا۔
ساوتھ ایشین وائر کے مطابق اس دوران کافی بحث و مباحثہ ہوتا رہا آخر کار وقت ختم ہوگیا لیکن طالبہ کو امتحان کی اجازت نہیں ملی، جس کے بعد مسلم تنظیموں کے ذمہ داران نے اقلیتی کمیشن کو ایک خط لکھا ہے، اس خط میں سینٹر اور ان افراد پر کارروائی کا مطالبہ کیا گیا ہے جنہوں نے طالبہ کو برقع پہننے کی وجہ سے امتحان میں شامل ہونے نہیں دیا۔