کراچی: معروف اداکار عمر شریف کے صاحبزادے جواد عمر نے کہا ہے سندھ حکومت نے والد کی تدفین حضرت عبداللہ شاہ غازی کے مزار کے احاطے میں کرنے کی اجازت دےد ی ہے۔
ایکسپریس نیوز کے مطابق عمر شریف کے صاحبزادے نے جواد عمر نے کہا ہے کہ ہم نے سندھ حکومت سے اپنے والد کی تدفین عبداللہ شاہ غازی کے مزار کے احاطے میں کرنے کی درخواست کی تھی، جس کی تصدیق وزیر اطلاعات سندھ سعید غنی نے کردی ہے۔
سعید غنی نے اپنی ٹوئٹ میں کہا ہے کہ سندھ حکومت مرحوم عمر شریف کی خواہش کے مطابق ان کی تدفین حضرت عبداللہ شاہ غازی قبرستان میں کرنے کے انتظامات کررہی ہے۔
مرحوم عمر شریف کی خواہش کے مطابق انکی تدفین حضرت عبداللہ شاہ غازی قبرستان میں کرنے کے انتظامات سندھ حکومت کررہی ہے۔
— Senator Saeed Ghani (@SaeedGhani1) October 2, 2021
اپنی رہائش گاہ پر میڈیا سے گفتگو میں ان کا کہنا تھا کہ والد صاحب اس دنیا میں نہیں رہے، ان کے انتقال پر دنیا بھر سے تعزیتی پیغامات آرہے ہیں اور ہماری کوشش ہے کہ ان کے جسد خاکی کو جلد از جلد وطن واپس لے آئیں۔