لاہور: مسلم لیگ ن کی نائب صدر مریم صفدر کا کہنا ہے کہ بدترین مہنگائی ووٹ کی عزت پامال کرنے کا نتیجہ ہے،عوام خودکشیوں پر مجبور ہیں ، حکمرانوں کو صرف اقتدار بچانے کی فکر ہے۔
سوشل میڈیا کنونشن سے خطاب کرتے ہوئے مریم صفدر نے کہا کہ کٹھ پتلی ملک پر مسلط ہو تو ہرطرف نقصان ہوتا ہے،حکومت جانے کا پتہ چلتے ہی لوگ بھاگ جائیں گے،جب کسی کا بچہ بھوک سے اور دوائی نہ ملنے کی صورت میں مرتا ہے تو بددعائیں عمران خان کو ملتی ہیں۔
ن لیگ کی نائب صدر کا کہنا تھا کہ عوام کی قسمت ایسے لوگوں کے ہاتھوں میں ہے جو لوٹے گھماتا ہے، جن بھوتوں سے فیصلے کراکر ملک کو آگ میں جھونک دیا ہے، موجودہ حکمرانوں کی نااہلی کی وجہ سے آج مہنگائی سرچڑھ کر بول رہی ہے۔
