کراچی: صدر ایمپریس مارکیٹ کے قریب گودام میں آگ لگ گئی۔
ایکسپریس نیوز کے مطابق کراچی کی مصروف ترین مارکیٹ ایمپریس مارکیٹ صدر کے قریب واقع ایک گودام میں آگ لگ گئی، آگ اس قدر شدید تھی کہ قریبی علاقوں میں خوف و ہراس پھیل گیا، اور فائر بریگیڈ کی گاڑیاں آگ بجھانے جائے حادثہ پر پہنچ گئیں۔
کراچی کے علاقے صدر میں واقع آتشگیر مادہ کے گودام میں آگ بھڑک اٹھی پٹاخوں. چائینہ بم اور انار پھولجھڑیوں کا گودام ہے دھماکوں کی آوازیں اور دھواں دور سے دکھائی دے رہاہے pic.twitter.com/6x0YzDyJvG
— RegionalTelegraph (@RegnlTelegraph) October 17, 2021
فائر بریگیڈ حکام نے بتایا کہ آگ بس اڈے سے متصل پٹاخوں کے گودام میں لگی، جس کے باعث وقتاً فوقتاً چھوٹے چھوٹے دھماکے ہوتے رہے جس سے قریبی عمارتوں کے رہائشی خوفزدہ ہوگئے، فائر بریگیڈ کا عملہ آگ پر فوری قابو پانے کی کوشش کررہا ہے، آتشزدگی سے اب تک گاڑی اور ٹرک کو نقصان پہنچا ہے، تاہم اتوار کے روز مارکیٹ بند ہونے کی وجہ سے رش کم تھا اور ابھی تک کسی جانی نقصان کی اطلاع نہیں۔