کراچی (اے پی پی ) ایڈمنسٹریٹر کراچی بیرسٹر مرتضی وہاب نے کہا ہے کہ شہری انتظامیہ کی جانب سے کل کھیلے جانے والے پاک بھارت ٹی20 ورلڈ کپ میچ کو دکھانے کے لئے شہر کے مختلف مقامات پر انتظامات کئے گئے ہیں، ضلع وسطی میں تعلیمی باغ اور بی اماں پارک، ضلع شرقی میں ہل پارک اور سفاری پارک جبکہ ضلع جنوبی میں بیچ ویو پارک میں براہ راست میچ دکھانے کے لئے بڑی اسکرین نصب کی جائے گی جہاں شہریوں کے لئے داخلہ اپنی فیملی کے ہمراہ ہوسکے گا، یہ اقدام کراچی کے شہریوں کی ورلڈ کپ خصوصا پاک بھارت کرکٹ میچوں سے گہری دلچسپی کے پیش نظر کیا گیا ہے۔