پشاور (صباح نیوز) خیبرپختونخوا کے مختلف شہروں میں زلزلے کے جھٹکے محسوس کیے گئے۔ زلزپیما مرکز کے مطابق سوات اور اس کے گرد ونواح میں زلزلے کے جھٹکے محسوس کیے گئے، ریکٹراسکیل پر زلزلے کی شدت 4اعشاریہ 8ریکارڈ کی گئی، زلزلہ اس قدر شدید تھا کہ لوگوں میں خوف و ہراس پھیل گیا اور وہ کلمہ طیبہ کا ورد کرتے ہوئے گھروں اور دکانوں سے باہر آگئے۔ آنے والے زلزلے کی گہرائی 120 کلومیٹر تھی، اور اس کا کا مرکز کوہ ہندوکش کا پہاڑی سلسلہ تھا۔
