پاکستان کے امیدوار اقوام متحدہ کی کمیٹی برائے شراکت میں دوبارہ منتخب ہوگئے، سید یاور علی 2022 سے 2024 تک کمیٹی میں مزید تین سال کے لیے خدمات انجام دیں گے۔ تفصیلا ت کے مطا بق پاکستان کے امیدوار برائے شراکت کمیٹی (سی او سی)، سید یاور علی جنرل اسمبلی کی پانچویں (بجٹری) کمیٹی میں ہونے والے انتخابات میں شراکت کے بارے میں اقوام متحدہ کی 18 رکنی کمیٹی کے لیے دوبارہ منتخب ہو گئے۔ مندوبین نے 1 جنوری 2022 سے شروع ہونے والی تین سالہ مدت کے لیے چھ افراد کی تقرری یا دوبارہ تقرری کی سفارش کی ہے۔اقوام متحدہ میں پاکستان سفیر منیر اکرم نے کمیٹی برائے شراکت میں دوبارہ انتخاب پر مبارکباد دیتے ہوئے کہا کہ “میں سید یاور علی کو اقوام متحدہ کی کمیٹی برائے شراکت میں اقوام متحدہ میں پاکستان کی نمائندگی کرنے مبارکباد پیش کرتا ہوںوہ ایک ماہر کاروباری شخصیت ہیں۔ “ان کی دوبارہ تقرری اقوام متحدہ کے نظام میں پاکستان کے فعال کردار کی توثیق ہے۔ انہوں نے مزید کہا کہ کمیٹی میں ان کی موجودگی کے ذریعے، پاکستان اقوام متحدہ کی تقسیم اور بجٹ کی منصوبہ بندی کے لیے منصفانہ پیمانے پر تشخیص کو یقینی بنانے میں مدد کرے گا۔ سید یاور علی کا گلوبل بزنس میں 41 سال کا شاندار کیرئیر ہے اور اقوام متحدہ کے نظام کی بہترین سمجھ ہے۔ وہ کمیٹی برائے شراکت میں عالمی اقتصادی اور کاروباری نقطہ نظر لاتا ہے۔ سید یاور علی کو بجٹ اور مالیاتی امور کا وسیع تجربہ ہے وہ 2012 اور 2015 سے کمیٹی برائے شراکت کے رکن ہیں۔ پاکستان کے علاوہ بوٹسوانا، کروشیا، یوکرین، جاپان اور ریاستہائے متحدہ امریکہ کے امیدواروں کو بھی کنٹری بیوشن کمیٹی کے ممبر کے طور پر منتخب کیا گیا۔