بالی وڈ کی معروف گلوکارہ شریا گھوشال اور ٹوئٹر کے نئے چیف ایگزیکٹو آفیسر (سی ای او) پراگ اگروال کا بہت پرانا تعلق ہے۔
29 نومبر کو جب پراگ اگروال نے اپنے چیف منتخب ہونے کی خبر ٹوئٹر پر شیئر کی تو شریا گھوشال نے ان پر فخر محسوس کرتے ہوئے مبارکباد دی جس پر صارفین نے گلوکارہ اور ٹوئٹر چیف کی 11 سال قبل کی گئی ٹوئٹس دوبارہ شیئر کرنا شروع کر دیں۔
ٹوئٹس سے انکشاف ہوا کہ شریا اور پراگ بچپن کے دوست ہیں اور اسکول میں ایک ساتھ ایک ہی جماعت کے طالبعلم رہ چکے ہیں۔
Congrats @paraga So proud of you!! Big day for us, celebrating this news♥️♥️♥️ https://t.co/PxRBGQ29q4
— Shreya Ghoshal (@shreyaghoshal) November 29, 2021
23 مئی 2010 کو شریا نے ٹوئٹ کیا تھا اور اپنے مداحوں سے پراگ کو فالو کرنے کی درخواست کی تھی، انہوں نے کہا تھا کہ مجھے حال ہی میں پتہ چلا کہ ٹوئٹر پر میرے بچپن کا دوست بھی ہے جو کھانے پینے اور سفر کا شوقین ہے۔
Hey all!! Found another bachpan ka dost!! Foodie n traveller.. A stanford scholar! Follow @paraga .. It was his bday ystrday! Wish him pls.
— Shreya Ghoshal (@shreyaghoshal) May 23, 2010
اس کے علاوہ دونوں کے کچھ پرانے ٹوئٹس بھی وائرل ہوئے جس سے صارفین خوب محظوظ ہوئے تاہم شریا نے ان تمام ٹوئٹس پر ردعمل دیا۔
شریا گھوشال نے اپنے مداحوں سے کہا کہ کیا یار تم لوگ بچپن کے ٹوئٹس نکال رہے ہو، یہ 10 سال پہلے کی بات ہے جب ٹوئٹر متعارف ہوا تھا اور ہم بچے تھے۔
Arre yaar tum log kitna bachpan ka tweets nikaal rahe ho! 😂 Twitter had just launched. 10 years pehle! We were kids! Dost ek dusre ko tweet nahi karte kya? Kya time pass chal raha hai yeh 😆
— Shreya Ghoshal (@shreyaghoshal) November 30, 2021
انہوں نے قہقہہ والے ایموجی بناتے ہوئے سوال کیا کہ دوست ایک دوسرے کو ٹوئٹ نہیں کرتے کیا؟ یہ کیا ٹائم پاس چل رہا ہے۔