سرگودھا میں ایک انتہائی دلخراش واقعہ پیش آیا ہے جہاں بازار میں اسٹال لگانے کے پیسے نہ دینے پر خاتون کو آگ لگا دی گئی۔ خاتون کو شدید زخمی حالت میں ہسپتال داخل کرا دیا گیا ہے۔
پولیس حکام نے واقعے کی تفصیلات بتاتے ہوئے کہا ہے کہ یہ واقعہ سرگودھا کے علاقے منگل بازار میں پیش آیا۔ ملزمان اسٹال لگانے کے پیسے نہ دینے پر طیش میں آ گئے اور خاتون کو آگ لگا دی۔
سرگودھا میں کپڑے بیچنے والی خاتون کو آگ لگانے میں ملوث دونوں ملزمان کو گرفتار کر لیا گیا ہے۔وزیر اعلی پنجاب اور آئی جی پنجاب نےاس واقعہ کا نوٹس لیا تھا۔ https://t.co/WEYjAWX78K pic.twitter.com/4wikCLJs6n
— Punjab Police Official (@OfficialDPRPP) December 7, 2021
پولیس کا کہنا ہے کہ ملزموں نے خاتون سے اسٹال لگانے پر زبردستی پیسے مانگے، اس نے انکار کیا تو اسے آگ لگا دی گئی۔ خاتون کو زخمی حالت میں ڈی ایچ کیو ٹیچنگ ہسپتال منتقل کر دیا گیا جہاں اسے طبی امداد دی جا رہی ہے۔
متاثرہ خاتون نے پولیس کو دیئے گئے اپنے ابتدائی بیان میں کہا ہے کہ علاقے کے بااثر افراد منگل بازار میں اسٹالز لگانے کے پیسے لیتے ہیں۔ تاہم میں نے ایسا کرنے سے انکار کیا تو مجھے آگ لگا کر جھلسا دیا گیا۔