برطانیہ کے دورے پر گئے ہوئے وفاقی وزیر علی زیدی کو برطانوی پارلیمنٹ میں داخل ہونے سے روک دیا گیا ہے۔
جیو نیوز کی رپورٹ کے مطابق علی زیدی منگل کے روز ممبرانِ پارلیمنٹ سے ملاقات کے لیے ہاؤس آف کامنز گئے۔اس موقع پر پورٹیکلس ہاؤس سے پارلیمنٹ جانے والے راستے میں سیکیورٹی نے وفاقی وزیر کو روکا۔
ذرائع کے مطابق علی زیدی نے تلاشی دینے سے انکار کیا جس پر اُنہیں سیکیورٹی نے 10 منٹ تک روکے رکھا۔
اس حوالے سے علی زیدی کا کہنا ہے کہ مجھے برطانوی پارلیمنٹرین نے ملاقات کے لیے بلایا تھا۔سیکیورٹی نے جیکٹ اتارنے اور موبائل دینے کا کہا تو میں نے کہا کہ واپس جانا چاہتا ہوں۔وفاقی وزیر علی زیدی نے مزید کہا کہ میں واپس چلا گیا تو برطانوی پارلیمنٹیرین کے فون آئے کہ پروٹوکول میں غلطی ہو گئی تھی۔
