امریکا کی نصف سے زائد ریاستوں کی طوفان اور ہوا کے بگولے سے تباہی، 75 افراد ہلاک

امریکا کی نصف سے زائد ریاستیں طوفان اور ہوا کے بگولے سے بری طرح متاثر ہوئی ہیں اور طوفان سے سب سے زیادہ متاثرہ ریاست کینٹکی میں 70 سے زائد افراد ہلاک ہو گئے۔

خبر رساں ایجنسی اے ایف پی کے مطابق کینٹکی کے شہر مے فیلڈ میں طوفان سے عمارتیں بھی بری طرح متاثر ہوئیں اور سڑکوں پر جابجا درخت اور اینٹوں بکھری پڑی ہیں اور عمارتوں کے صرف ڈھانچے باقی بچے ہیں۔

گورنر اینڈی بیشر نے کہا کہ ان طوفانوں سے کینٹکی کی مختلف کاؤنٹیز کو نقصان پہنچا، میرا اندازہ ہے ہلاک ہونے والوں کی تعداد 70 سے زائد ہے اور یہ تعداد 100 تک ہو سکتی ہے، یہ کینٹکی کی تاریخ کا سب سے بدترین ٹورناڈو ہے۔

Large Violent Tornado went across both interstates heading for Caruthersville, MO. #mowx #Tornado pic.twitter.com/boNZEWZJqs

— Michael Gordon (@WX_ManMike) December 11, 2021

انہوں نے مزید بتایا کہ طوفان کے نتیجے میں پیش آنے والے ایک واقعے میں موم بتی فیکٹری کی چھت تباہ ہو گئی جس کے نتیجے میں بڑے پیمانے لوگ ہلاک اور زخمی ہوئے۔

کینٹکی میں دن کے ابتدائی گھنٹے میں 56ہزار سے زائد افراد بجلی سے محروم تھے اور گورنر نے ریاست میں ایمرجنسی نافذ کردی ہے جبکہ لوگوں کی جان بچانے کے لیے ریسکیو آپریشن شروع کردیا گیا ہے۔

The most intense damage I have found in #Mayfield. The entire path in the town is less than 2% of the total path length. Homes with only slabs remaining. #Tornado #wxtwitter pic.twitter.com/nXxoxNBVhY

— WxChasing- Brandon Clement (@bclemms) December 11, 2021

فیکٹری میں کام کرنے والے ایک مزدور کیانا پیریز نے کہا کہ اس سے قبل کہ مزدور کچھ سنتے اور تیز آندھیاں چلنے کو محسوس کرتے، فیکٹری کی چھت تباہ ہو گئی۔

ادھر ریاست الینوئس میں طوفان سے ایمازون کا ویئرہاؤس تباؤس تباہ ہو گیا جس سے ویئرہاؤس میں کام کرنے والے 100 سے زائد مزدور پھنس گئے۔

فیکٹری میں کام کرنے والے ایک مزدور کیانا پیریز نے کہا کہ اس سے قبل کہ مزدور کچھ سنتے اور تیز آندھیاں چلنے کو محسوس کرتے، فیکٹری کی چھت تباہ ہو گئی۔

طوفان کی پیش گوئی کرنے والے ماہر موسمیات روجر ایڈورڈ نے کہا کہ رات گئے طوفانوں کے ایک سلسلے مین کینٹکی کا رخ کیا اور تباہ کن طوفان بھی اسی سلسلے کی ایک کڑی تھی۔

Another video from my cousins house. #kywx #Tornado This historic tornado ripped through our small community. pic.twitter.com/ly2IID2N64

— H🏀🏀P There it is (@TotallyTwitched) December 11, 2021

امریکا کی دیگر ریاستوں میسوری، ٹینیسی اور آرکانساس میں بھی طوفان سے بڑے پیمانے پر نقصان پہنچا۔

آرکنساس میں طوفان سے 90 بستروں پر مشتمل ایک نرسنگ ہوم تباہ ہو گیا جس کے نتیجے میں ایک شخص ہلاک اور پانچ شدید زخمی ہو گئے۔

کریگ ہیڈ کاؤنٹی کے جج مارون ہیڈ نے کہا کہ طوفان براہ راست اس نرسنگ ہوم سے ٹکرایا، ہم خوش قسمت ہیں کہ زیادہ لوگ ہلاک یا زخمی نہیں ہوئے، صورتحال مزید ابتر ہو سکتی تھی۔

ٹینیسی میں ریاست کے محکمہ ایمرجنسی کے ترجمان ڈین فلینر نے کہا کہ خراب موسم کے نتیجے میں کم از کم تین افراد ہلاک ہو گئے، دو افراد لیک کاؤنٹی اور ایک اوبیون کاؤنٹی میں ہلاک ہوئے۔

مغربی کینٹکی میں طوفان کے سبب مال بردار ٹرین پٹڑی سے اتر گئی۔

منبع: ڈان نیوز