کراچی: ترک سفارت خانے کی چھینی گئی فور وہیل گاڑی برآمد کرلی گئی۔
اے وی ایل سی پولیس کے مطابق ترک سفارت خانے کی چھینی گئی فور وہیل گاڑی برآمد کرلی گئی ہے، تاہم کارروائی کے دوران ملزمان فرار ہوگئے۔ ترک سفارتخانے کی گاڑی سمیت دو فور وہیکل گاڑیاں 20 نومبر کو نوشہرفیروز سے چھینی گئی تھی۔
اے وی ایل سی پولیس نے بتایا کہ دونوں غیر رجسٹرڈ گاڑیاں ٹرالر کے ذریعے پورٹ قاسم سے اسلام آباد اور پشاور جارہی تھی، کہ نوشہرو فیروز کے قریب مسلح ملزمان نے ٹرالر روکا اور گاڑیاں چھین کر فرار ہوگئے، آئی جی سندھ نے ترک سفارتخانے کی گاڑی کی برآمدگی کے لیے خصوصی ٹیم تشکیل دی تھی۔