مذہبی رسومات کی ادائیگی کے لئے بھارت سے 100 سے زائد ہندو یاتری واہگہ بارڈر کے راستے پاکستان پہنچ گئے ہیں۔
بھارت سے آنیوالے ہندو یاتری چکوال کے قریب کٹاس راج مندر میں مذہبی رسومات ادا کریں گے۔ ہندو یاتریوں کی سیکیورٹی، رہائش اور ٹرانسپورٹ سمیت تمام انتطامات مکمل کر لئے گئے ہیں۔
مرکزی تقریب 19 دسمبر بروز اتوار کو ہوگی جس میں مختلف سیاسی اور مذہبی رہنمائوں سمیت پاکستان میں بسنے والی ہندو برادری بھی شریک ہوگی۔
The High Commission wishes a spiritually rewarding pilgrimage to Hindu Pilgrims.Pakistan remains committed to preserving sacred religious sites and extending all possible assistance to the visiting pilgrims of all faiths.@ForeignOfficePk @epwing_official @FMPublicDiploPK pic.twitter.com/9y8jaSEuWQ
— Pakistan High Commission India (@PakinIndia) December 14, 2021
پاکستان ہائی کمیشن نیو دہلی نے بھارتی ہندویاتریوں کو 17 سے 23 دسمبرتک کا ویزا جاری کیا ہے۔ بھارتی ہندو یاتری 23 دسمبر کو واہگہ بارڈرکے راستے ہی واپس جائیں گے۔
خیال رہے کہ رواں ماہ کے آغاز میں پاکستانی ہائی کمیشن نے 136 یاتریوں کو 4 سے 15 دسمبر تک سندھ میں “شیو اوتاری ستگورو سنت شادارام صاحب” کے 313 ویں یوم پیدائش کی تقریبات میں شرکت کے لیے ویزے جاری کیے تھے۔
اس کے علاوہ رواں سال نومبر میں پاکستان ہائی کمیشن نے بابا گرو نانک کے 552 ویں یوم پیدائش پر تقریباً 3000 سکھ یاتریوں کو ویزے جاری کیے تھے۔