وزیراعظم کے معاون خصوصی ڈاکٹر شہباز گل نے بھی سابق وزیراعظم نواز شریف کی وطن واپسی کا امکان ظاہر کر دیا ہے۔
یہ اہم بیان انہوں نے سماجی رابطوں کی ویب سائٹ ٹویٹر کے ذریعے دیا۔ ان کا کہنا تھا کہ برطانیہ میں نواز شریف کے ویزہ کی توسیع رجیکٹ ہو چکی ہے۔ اس وقت اپیل میں ہیں لیکن انہیں پتا ہے ویزہ مسترد کر کے بے دخل کیا جائے گا۔
غیر ضروری اعلان:برطانیہ میں نواز شریف کے ویزہ کی توسیع رجیکٹ ہو چکی ہے-اس وقت اپیل میں ہیں لیکن انہیں پتہ ہے ویزہ رجیکٹ کر کے بے دخل کیا جائے گا۔اس لئے نواز شریف کے بے دخل ہونے کو ان کا واپس آنے کا سیاسی فیصلہ بنا کر پیش کیا جا رہا ہے- بزدل کبھی بہادر نہیں ہوتے
اعلان ابھی جاری ہے— Dr. Shahbaz GiLL (@SHABAZGIL) December 25, 2021
ان کا کہنا تھا کہ اس لئے نواز شریف کے بے دخل ہونے کو ان کا واپس آنے کا سیاسی فیصلہ بنا کر پیش کیا جا رہا ہے- بزدل کبھی بہادر نہیں ہوتے۔
اپنی ایک دوسری ٹویٹ میں انہوں نے لکھا کہ انقلابی نواز شریف اور نواز شریف نے کفن باندھ لیا ہے کا بیانیہ بنانے کے لیے پہلے کچھ لوگوں کو استعمال کیا ، اب انھیں انقلاب کی معطلی اور اسی اسٹیبلشمنٹ سے “ڈیل” کا بیانیہ بنانے کے لیے استعمال کر رہے ہیں۔ برطانیہ سے دھکا پڑنے کا قوی امکان ہے، اس کی گرئوانڈ بنائی جا رہی ہے۔
پہلے کچھ لوگوں کو استعمال کیا انقلابی نواز شریف اور نواز شریف نے کفن باندھ لیا ہےکا بیانیہ بنانے کے لیے
اب استعمال کر رہے انقلاب کی معطلی اور اسی اسٹیبلشمنٹ سے "ڈیل” کا بیانیہ بنانے کے لیے
برطانیہ سے دھکا پڑنے کا قوی امکان ہے اس کی گروانڈ بنائی جا رہی ہے
بذریعہ رینٹ اے۔۔۔۔— Dr. Shahbaz GiLL (@SHABAZGIL) December 25, 2021