مسلم لیگ (ن) کی نائب صدر مریم نواز شریف نے کہا ہے کہ پے درپے انکشافات، لیکس اور ثبوتوں کے انبار عمران خان سمیت پوری تحریک انصاف کو فارغ کرنے کے لئے کافی ہیں۔
سماجی رابطوں کی ویب سائٹ ٹویٹر پر جاری بیان میں مریم نواز نے وزیراعظم کو شدید تنقید کا نشانہ بناتے ہوئے لکھا کہ عمران خان نے ناصرف چوری کی اور چھپائی بلکہ عوام کی جیبوں پر ڈاکا ڈالا اور ان کی محنت، خون پسینے کی کمائی پر عیش کی۔
عمران خان نے نا صرف چوری کی اور چھپائی بلکہ عوام کی جیبوں پر ڈاکہ ڈالا اور انکی محنت اور خون پسینے کی کمائی پر عیش کی۔ پے درپے انکشافات،لیکس اور ثبوتوں کےانبار عمران سمیت پوری پی ٹی آئی کو فارغ کرنے کے لیے کافی ہیں،اتنے سنگین فراڈ اور سکینڈل تاریخ میں کسی جماعت کے نہیں آئے
— Maryam Nawaz Sharif (@MaryamNSharif) January 4, 2022
لیگی رہنما کا کہنا تھا کہ اتنے سنگین فراڈ اور سکینڈل تاریخ میں کسی جماعت کے نہیں آئے۔ انصاف کے نام پر پاکستان کو دھوکا دینے والے عمران خان کا بھانڈا بیچ چوراہے پھوٹ چکا ہے۔
مریم نواز شریف کا کہنا تھا کہ کون جانتا تھا کہ ثاقب نثار کے ًصادق و امینً کا چہرہ اتنا بھیانک نکلے گا۔ اس بھیانک چہرے پر پردہ ڈالے رکھنے پر الیکشن کمیشن کے سابق عہدیدار بھی جوابدہ ہیں۔
دوسروں پر چور چور کے الزام لگانے والے کی جب اپنی تلاشی لی گئ تو اس کا بال بال چوری میں ڈوبا نکلا۔دوسروں سے فنڈ کے نام پر مال اینٹھنا،پھر اس کو عیاشی کے لیے استعمال کرنا اور چوری چھپانے کے جھوٹ پہ جھوٹ بولنا۔کیا پاکستان کی تاریخ میں عمران خان جیسا کرپٹ، جھوٹا اور سازشی حکمران آیا؟
— Maryam Nawaz Sharif (@MaryamNSharif) January 4, 2022