آسٹریلیا کی ایک وفاقی عدالت کے تین ججوں نے ٹینس کے عالمی نمبر ایک کھلاڑی نوواک یوکووچ کی ان کی ممکنہ ملک بدری کے خلاف اپیل مسترد کر دی۔
اس طرح جوکووچ کے لیے امسال آسٹریلین اوپن ٹینس ٹورنامنٹ میں کھیلنا اور اپنے اعزاز کا دفاع کرنا اب ممکن نہیں رہا۔
تینوں ججوں نے متفقہ طور پر آج اپنا وہی فیصلہ برقرار رکھا، جو انہوں نے گزشتہ جمعے کے روز سنایا تھا۔
سربیا سے تعلق رکھنے والے چونتیس سالہ جوکووچ نے آج تک کووڈ انیس کے خلاف اپنی ویکسینیشن نہیں کرائی۔ ان کے آسٹریلین امیگریشن کی طرف سے ہوائی اڈے پر ہی روک لیے جانے کی وجہ بھی یہی تھی اور اسی لیے ان کا ویزا بھی منسوخ کر دیا گیا تھا۔