آذربائیجان قومی اسمبلی نے، ترکی۔ آذربائیجان کے درمیان باقاعدہ اتحادی تعلقات پر مبنی، ‘شوشا قرارداد’ کو منظور کر لیا ہے۔
آذربائیجان قومی اسمبلی کے معمول کے جنرل کمیٹی اجلاس میں، جمہوریہ آذربائیجان اور جمہوریہ ترکی کے درمیان اتحادی تعلقات سے متعلقہ آئینی بِل، ‘شوشا قرارداد’ کی منظوری پر بحث کی گئی۔
بحث کے بعد آئینی بِل کو رائے شماری کے لئے پیش کیا گیا اور بھاری اکثریت سے منظور کر لیا گیا ہے۔
واضح رہے کہ صدر رجب طیب ایردوان اور صدر الہام علی ییف نے 15 جولائی 2021 کو قارا باغ کے شہر شوشا میں مذکورہ قرارداد پر دستخط کئے تھے۔