سکردو اور گرد ونواح میں وقفے وقفے سے برف باری جاری

سکردو اور گرد ونواح میں وقفے وقفے سے برف باری جاری ہے۔برف باری کے باعث بالائی علاقوں کا ذمینی رابطہ منقطع ہوگیا ہے ۔ضلعی انتظامیہ بالائی علاقوں کی جانب سفر نہ کرنے کی ہدایات جاری کردیں۔
بلتستان ڈویژن کے چاروں اضلاع میں وقفے وقفے سے برف باری جاری ہے۔برف باری کے بعد نشیبی علاقوں میں درجہ حرارت منفی سات جبکہ بالائی علاقوں میں منفی سترہ تک سردی کی شدت رکاڑد کی جارہی ہے۔ موسم کی خرابی کے باعث سکردو اور اسلام آباد کے درمیان آج بھی پرواز نہ ہوسکی ۔ بالائی علاقوں میں ممکنہ لینڈ سلائیڈنگ اور برفانی تودے گرنے کے خطرات کے باعث ضلعی انتظامیہ نے سفر سے گریز کرنے کی ہدایات جاری کی ہیں اور کنڑول روم میں خصوصی ریسپانس ڈیسک بنایا گیا ہے ۔