روس کی گیس کمپنی گیسپروم نے کہا ہے کہ موسمِ گرم میں یورپ کے زمین دوز ڈپووں میں جمع کی گئی گیس ختم ہو گئی ہے۔
گیسپروم سے جاری کئے گئے تحریری بیان کے مطابق یورپ کی گیس ڈپو تنصیبات میں جمع گیس تیزی سے کم ہو رہی ہے۔
بیان میں کہا گیا ہے کہ ” گیس انفراسٹرکچر یورپ کے اعداد و شمار کے مطابق یورپ کے زیرِ زمین ڈپووں میں گیس کا ذخیرہ 21،5 فیصد رہ گیا ہے جبکہ موسم گرما کے زیرِ زمین ڈپووں میں بھری گئی گیس مکمل طور پر ختم ہو گئی ہے”۔
بیان میں کہا گیا ہے کہ یہ صورتحال مسائل کا سبب بن رہی ہے۔ ان ڈپو تنصیبات کی ٹیکنالوجیکل صلاحیت کے طے کردہ یومیہ ذخیرے کو ملحوظ رکھا جائے تو یہ نہایت سنجیدہ مسئلہ ہے۔ اس کے علاوہ یورپی منڈیوں کے حالات ترقی پذیر ایشیائی منڈیوں سے قریبی تعلق رکھتے ہیں۔
دوسری طرف گیسپروم کے نمائندے سرگے کپریانوف نے کہا ہے کہ براستہ یوکرین یورپی منڈیوں کے لئے روسی گیس کی ترسیل یومیہ اوسطاً 100 ملین مکعب میٹر کے ساتھ معمول کی شکل میں جاری ہے۔