اسلام آباد: وزیر داخلہ شیخ رشید احمد کا کہنا ہے کہ پشاور دھماکے کا کوئی تھریٹ الرٹ جاری نہیں ہوا تھا، دھماکہ سوچی سمجھی سازش کے تحت پاکستان کو غیر مستحکم کرنے کی کوشش ہے۔
وزیر داخلہ شیخ رشید احمد نے پشاور دھماکے کی شدید الفاظ میں مذمت کرتے ہوئے کہا کہ چیف سیکرٹری اور آئی جی خیبر پختونخوا سے دھماکے کی رپورٹ طلب کر لی ہے۔
شیخ رشید نے اپنے بیان میں کہا کہ پشاور دھماکے کے حوالے سے کوئی تھریٹ الرٹ جاری نہیں ہوا تھا، غیر ملکی قوتیں پاکستان کا امن تباہ کرنا چاہتی ہیں، پشاور دھماکا سوچی سمجھی سازش کے تحت پاکستان کو غیر مستحکم کرنے کی کوشش ہے۔