اسلام آباد :معاون خصوصی شہباز گل کا کہنا ہے کہ عدم اعتماد اپوزیشن کے لیے گلے کا پھندا بن چکی ہے،اپوزیشن کے بھاگنے کےراستے بند ہو چکے ہیں۔
میڈیا سے گفتگو کرتے ہوئے شہباز گل کا کہنا ہے کہ ہمارے اتحادی ہمارے ساتھ کھڑے ہیں ہمارے نمبر پورے ہیں ان کے نمبر پورے ہیں یا نہیں ان کو معلوم ہو گا ۔
ان کا مزید کہنا ہے کہ اپوزیشن کی واپسی کو خوبصورت طریقے سے پلان کیا جائے گا چند دنوں میں آپ دیکھیں گے کہ یہ پتلی گلی سے نکلیں گے اب بتا یا جا رہا ہے
اب بتایا جا رہا ہے اسٹیبلشمنٹ ان کے ساتھ مل چکی ہے کبھی بولتے ہیں کہ اسٹیبلشمنٹ نیوٹرل ہو چکی ہے ان کو معلوم ہے کہ اسٹیبلشمنٹ نہ تو حکومت کو بنا رہی ہے نہ گرا رہی ہے ۔
شہباز گل کا کہنا ہے کہ وزیر اعظم عمران خان نے میلسی میں تاریخی جلسہ کیا پی ٹی آئی کور کمیٹی کا اجلاس ہوا پارٹی نے طے کیا کہ ایسی حکمت عملی بنا ئی جائے کہ اپو زیشن واپس نا جائے ایسی حکمت عملی ہو کہ اپوزیشن اگر پتلی گلی سے نکلنا چاہے تو نکلنے نا پائے ،مونس الٰہی نے کہا ہماری تیسری نسل کی سیاست ہے ہم سے بارہا کیوں پوچھا جاتا ہے ۔
