وزیر خارجہ میولود چاوش اولو انطالیہ ڈپلومیسی فورم کے دائرہ کار میں اپنی دو طرفہ اور بین وفود کی ملاقاتیں جاری رکھے ہوئے ہیں۔
فورم کے دوسرے دن، چاوش اولو نے یورپی یونین کے خارجہ تعلقات اور سلامتی کی پالیسی کے اعلیٰ نمائندے جوزف بوریل سے ملاقات کی۔
انہوں نے بوریل کےہمراہ وفود کے درمیان مذاکرات سر انجام دیئے۔
ملاقات کے دوران یوکرین اور قبرص کے مسائل پر تازہ ترین پیش رفت پر تبادلہ خیال کیا گیا۔
ترک وزیر نے کل، صومالی وزیر برائے امور خارجہ اور بین الاقوامی تعاون عبدیسید موسیٰ علی، لکسمبرگ کے وزیر خارجہ جین ایسلبورن اور مغربی بلقان کے علاقائی مسائل یورپی یونین کے خصوصی نمائندے برائے بلغراد-پرشٹینا ڈائیلاگ میروسلاف لاکاک اور دیگر یورپی حکام سے ملاقاتیں سر انجام دی تھیں۔