واشنگٹن : امریکا کی فوڈ اینڈ ڈرگ ادارے نے پچاس سال اور اس سے زائد عمر کے افراد کو کورونا وائرس کے خلاف ویکسین کا دوسرا بوسٹر انجیکشن لگانے کی اجازت دے دی ہے۔
غیر ملکی خبر رساں ادارے کے مطابق اس محکمے کے مطابق یہ فیصلہ اس عمر کے افراد کے جسمانی مدافعتی نظام کو کورونا وائرس کے اومیکرون ویریئنٹ کے باعث ممکنہ خطرات کے پیش نظر کیا گیا۔
ایسے امریکی شہریوں کو یہ دوسرا بوسٹر بائیو این ٹیک یا موڈیرنا نامی دوا ساز کمپنیوں کی تیار کردہ ویکسین کا لگایا جائے گا۔