نیشنل الیکٹرک پاور ریگولیٹری اتھارٹی (نیپرا) نے کراچی کے شہریوں کے لیے بجلی کی قیمت میں 3 روپے 27 پیسے فی یونٹ اضافہ کردیا جس کا نوٹیفکیشن بھی جاری کردیا گیا ہے۔
بجلی کی قیمتوں میں اضافہ ماہانہ فیول کاسٹ کی مد میں کیا گیا، کراچی کے بجلی صارفین پر 3 ارب 58 کروڑ روپے کا اضافی بوجھ پڑے گا۔
نیپرا کے مطابق بجلی کی قیمت میں اضافہ جنوری کی ماہانہ فیول کاسٹ کی مد میں کیا گیا ہے جس کا اطلاق اپریل کے بلوں پر ہوگا۔
نیپرا کا کہنا ہےکہ کراچی کے بجلی صارفین پر 3 ارب 58 کروڑروپے کا اضافی بوجھ پڑے گا۔