قومی اسمبلی کا اجلاس وزیراعظم عمران خان کیخلاف تحریک عدم اعتماد پر بغیر ووٹنگ کے مورخہ 3 اپریل بروز اتوار تک ملتوی کر دیا گیا ہے۔
تفصیل کے مطابق قومی اسمبلی کا آج اہم اجلاس ڈپٹی سپیکر قاسم سوری کے زیر صدرات شروع ہوا تاہم وزیراعظم کیخلاف تحریک عدم اعتماد پر ووٹنگ آج بھی نہیں ہوسکی۔
قومی اسمبلی کا اجلاس 3 اپریل ساڑھے 11 بجے تک ملتوی کردیا گیا۔ pic.twitter.com/sERgvKMBq5
— NayaDaur Urdu (@nayadaurpk_urdu) March 31, 2022
ڈپٹی سپیکر نے اجلاس اتوار کو صبح ساڑھے گیارہ بجے تک ملتوی کردیا۔ قومی اسمبلی کے آج کے اجلاس کے ایجنڈے میں وزیر اعظم کے خلاف عدم اعتماد کی قرارداد پر بحث بھی شامل تھی اور اپوزیشن لیڈر شہباز شریف کو بحث کا آغاز کرنا تھا۔
وزیراعظم کے خلاف عدم اعتماد کی قرارداد میں کہا گیا ہے کہ وزیر اعظم عمران خان ایوان کا اعتماد کھوچکے ہیں، عمران خان اب وزارتِ عظمی کے عہدے پر فائز نہیں رہ سکتے۔